Oliy ta’limni nufuzli va zamonaviy universitetda olmoqchimisiz? Sifatli ta'lim, individual yondashuv va rivojlanish uchun keng imkoniyatlar taklif qiladigan universitetni qidiryapsizmi? Unday bo’lsa siz e’tiboringizni O’zbekistondagi eng yaxshi universitetlardan biri bo’lgan University of Science and Technologies (USAT) ga qaratishingiz lozim.



USAT respublikamizdagi iqtisodiyot, moliya, ta’lim, psixologiya va turizm kabi ko’plab sohalarda kadrlar tayyorlovchi nodavlat oliy taʼlim muassasalaridan biri hisoblanadi.



Universitet O‘zbekiston Respublikasi Vazirlar Mahkamasi huzuridagi Taʼlim sifatini nazorat qilish davlat inspeksiyasi tomonidan 2022-yil 27-iyul kuni berilgan № 048714 litsenziyasi asosida mamlakatda o’z faoliyatini yuritadi.



University of Science and Technologies 2022-yilning sentyabr oyidan boshlab talabalarni o’qitmoqda. Hozirda universitetda 4000 dan ortiq talaba tahsil olmoqda va 80 dan ortiq professor-o’qituvchilar sifatli ta’lim berib kelmoqda.



Universitet xalqaro standartlar asosida, xorijiy taʼlim muassasalari tajribasiga asoslangan holda faoliyat olib borishi rejalashtirilgan. Universitet faoliyatining o‘quv jarayonini tashkil etish va boshqarish kredit-modul taʼlim tizimi asosida amalga oshirilib, o‘quv mashg‘ulotlari yuqori malakali professor-o‘qituvchilar tomonidan zamonaviy texnologiyalar va o‘quv materiallari asosida olib boriladi. Universitetda talabalar uchun zamonaviy o‘quv adabiyotlari va kompyuter texnikalari bilan jihozlangan axborot resurs markazi, elektron kutubxona, bufet va tibbiyot xonalari faoliyat olib boradi. Universitet binosi to‘liqligicha Wi-Fi tarmog‘i bilan qamrab olingan bo‘lib talabalarning internet resurslaridan foydalanishi uchun barcha qulayliklar yaratilgan.



Shuningdek, iqtidorli va akademik muvaffaqiyatga erishgan talabalar uchun “Fan javohirlari” granti taqdim etiladi.



Nega USATni tanlash kerak?



Fan va texnologiyalar sohasida sifatli ta'lim olishni xohlaysizmi? Unda siz xalqaro standartlar asosida tuzilgan ta’lim dasturlari, yuqori malakali professor-o‘qituvchilar va zamonaviy infratuzilmani taklif etuvchi O‘zbekistondagi eng yaxshi universitetlardan biri – University of Science and Technologies'ni tanlashingiz kerak. USAT - sizning potentsialingizni ro'yobga chiqarish, iste'dodlaringizni kashf etish va mehnat bozorida talabgir mutaxassis bo'lib yetishishingizga yordam beradi.



Ishonchimiz komil, bizning universitetimiz sizning o'qish va rivojlanishingiz uchun eng yaxshi imkoniyatlarni taqdim etadi. Sizni universitetimiz talabalari qatoriga qo'shilishga va tanlagan sohangizda muvaffaqiyat sari yo’lingizni boshlashga taklif qilamiz.

Hujjatlari: Yuklab olish

Manzil: Toshkent shahri, Chilonzor tumani, Algoritm dahasi, Diydor ko’chasi 71