Toshkent shahridagi Turin politexnika universiteti

Universitet haqida

Turin Politexnika Universiteti haqida:

Toshkent shahridagi Turin Politexnika Universiteti (TTPU) 2009 yil 27 Aprelda O’zbekiston Respublikasi Prezidentining 2009 yil 27 apreldagi PP 1106 – sonli qarori va Oz’bekiston Respublikasi Oliy va O’rta-maxsus Ta’lim vazirligi, O’zavtosanoat OAJ hamda Italiyaning Turin politexnika universiteti (Politecnico di Torino) bilan hamkorlikdagi 2009 yil 10 yanvardagi uch tomonlama Shartnomaga muvofiq avtomobilsozlik, mashinasozlik, energetika sanoati, arxitektura sohasidagi tashkilot va korxonalarni yuqori malakali mutaxassislar bilan ta’minlash maqsadida tashkil etilgan.

Turin Politexnika Universitetiga 2024/2025 Qabul:

Kirish imtihonlari natijalarga ko‘ra uch toifaga bo‘lingan:

1-toifa: Umumiy test savollarining 80 foizdan yuqori yoki teng miqdorida to‘g‘ri javob to‘plagan abituriyentlar GRANT asosida o‘qishni davom ettiradilar.

2-toifa: umumiy test savollarining 25 foizdan yuqori yoki unga teng, lekin 80 foizdan kam ball toʻplaganlar to‘g‘ridan-to‘g‘ri shartnoma asosida o‘qishga qabul qilinadilar.

3-toifa: umumiy test savollarining 25 foizdan past ball toʻplagan abituriyentlar kirish chegarasidan oʻta olmagan, shuning uchun ular “kutish” ro‘yxatiga kiritiladilar. Agarda talabalikka tavsiya etilganlardan biri o‘qishga qabul qilinishdan bosh tortsa, uning o‘rniga universitetga qabul qilishga tavsiya etiladi.

Qo'shma dasturlar:

Universitetda talabalar almashinuvi dasturlari orqali talabalarga 1 yoki 2 semestr mobaynida xorijda o‘qish imkoniyati mavjud. Birgina misol 2022 yilda 90 ga yaqin talabamiz Italiyaning Politecnico di Torino universitetida o‘qish imkoniga ega bo‘lishdi. Shu bilan birga menejment yo‘nalishi AQShning Pittsburg Davlat universiteti hamkorligida tuzilgan bo‘lib, bu yo‘nalish talabalari ma’lum akademik talablardan o‘tgandan keyin AQShda o‘qishlarini davom ettirishlari mumkin. Talabalarda Polsha, Korea, Germaniya, Janubiy Koreyada ham o‘qish imkoniyati mavjud.

Toshkent shahridagi Turin politexnika universiteti yotoqxonasi (TPUT): Toshkent shahridagi Turin politexnika universiteti talabalar yotoqxonasi 4 qavatli bino bo‘lib, mamlakatimizning uzoq hududlaridan hamda xorijiy davlatlardan kelib tahsil olayotgan talaba-yoshlar yashashlari uchun barcha zarur shart-sharoitlarni yaratib berilgan. Talabalar turar joyidagi xonalar barcha kerakli jihozlar: kir yuvish mashinalari, taom tayyorlash uchun plita, mikrotoʼlqinli pech, ovqatlanish xonasi bilan taʼminlangan. Talabalar bo‘sh vaqtlarini foydali o‘tkazishlari uchun yotoqxonada kutubxona, hamda Wi-Fi nuqtalari ham mavjud. Universitet yotoqxonasida ilg‘or kommunikatsiya texnologiyalari joriy etish, yotoqxonaning moddiy-texnik ta’minotini yangilash va to‘ldirish bo‘yicha muntazam ishlar olib borilmoqda. Xorijlik professor-o‘qituvchilarni yashashlari uchun barcha zarur shart-sharoitlarga ega, universitet hududida joylashgan alohida yotoqxona ham mavjud.